O venres 10 de novembro estivemos no día grande da comunicación e marketing de Galicia, celebrando a nosa posición de Finalistas no Premio Comunicación RSE.
O ‘partido’ do venres nos II Premios Paraugas de Comunicación e Marketing de Galicia foi intenso. Tanto que levou a estrelas recoñecidas para outorgarlles premios honoríficos á súa carreira; concretamete ao deseñador gráfico Pepe Barros, ao publicista José Luis Zamorano, ao CEO de Martín Códax Juan Vázquez e a Gráficas Anduriña polo su 35 aniversario.
Pola nosa parte, e tras ter gañado o premio en 2016, este ano Galejobs quedou finalista na categoría de Comunicación RSE. Fíxose co premio o Deportivo da Coruña pola súa Memoria de Sostenibilidade. Parabéns para o Depor! 1-0 para eles. Tamén felicitamos á empresa Reclam, que compartíu connosco o podio de finalistas.
No resto das categorías, descataron axencias coma BAP and Conde en creatividade, LaMarck Publicidad en estratexia de comunicación ou empresas coma Tórculo Comunicación en deseño e artes gráficas. Marcas coma Estrella Galicia, R e Martin Codax foron outras das marcas que soaron no escenario.
O Clúster da Comunicación de Galicia -organizador do evento xunto á colaboración de Markea, Avante Medios, Expourense ou DirCom Galicia entre outras entidades- agradeceu a participación dos máis de 250 candidatos presentados a esta segunda edición duns premios que chegan para quedarse e destacar o labor da Comunicación e Marketing de Galicia.
Deixa unha resposta