Seica algúns de vós aínda non saben o que é Situm. Mais se o buscades en Internet, veredes unha morea de premios ao lado do seu nome, o último dos cales é na categoría internacional de Galicia Emprende 2015.
Víctor Álvarez Santos, enxeñeiro informático, doutor en Tecnoloxías da información pola Universidade de Santiago de Compostela e CEO de Situm, fálanos do seu proxecto.
1. Para quen non o saiba aínda, poderías explicarnos qué é Situm?
Situm é unha spin-off do CiTIUS (Centro Singular de Investigación en Tecnoloxías da Información da Universidade de Santiago de Compostela), con preto dun ano de vida, especializada en tecnoloxías de localización e navegación en interiores. Básicamente, desenvolvemos unha tecnoloxía que permite ás aplicacións para smartphones localizarte e navegar no interior dun edificio de grandes dimensións: un GPS para utilizar nos espacios interiores.
2. Hai canto que está funcionando e por que creáchedes este proxecto?
O noso proxecto xurdiu cando traballábamos na localización en interiores con robots. Ao chegar á finalización das nosas teses doctorais, ocurríusenos que, a incorporación de sensores como wifi, bluetooth, acelerómetro nos smartphones, facía destes aparatos unha especie de mini robots. Polo que crimos que poderíamos aplicar o noso coñecemento adquirido na nosa experiencia como investigadores para crear unha tecnoloxía de localización propia para smartphones. E puxémonons mans á obra, xerando un prototipo inicial que corroboraba a hipótese.
3. Cal é a maior vantaxe de Situm?
A maior vantaxe reside na súa tecnoloxía, que está entre as de máis precisión do mercado. Ademáis, o custo de instalación para clientes é menor que outras solucións, xa que utiliza distintas fontes de información (WIFI,BLE,campo magnético…)
4. Como está sendo a acollida do público?
De momento aínda non temos a tecnoloxía dispoñible para o gran público -temos betas privadas-. Mais a verdade é que os clientes que a teñen visto funcionar, sorprendéronse da nosa precisión e robustez.
5. A nivel profesional, teño entendido que gañáchedes o premios en YUZZ, á mellor idea emprendedora-. Qué supuxo este recoñecemento para a empresa?
Apórtannos un feixe de cousas positivas, das que destacamos: coñecementos, asesoramento de primeiro nivel, contactos comerciais, visibilidade e contacto con numerosos proxectos e emprendedores con inquedanzas similares ás nosas.
6. En Galicia, recibíchedes premios en Emprendedor XXI, en Galicia Open Future, Onda Emprende e agora en Galicia Emprende e Galicia Spin-off. Sentídesvos valorados na nosa Comunidade?
Levamos xa varios premios dentro da CCAA polo que sí, sentímonos moi valorados en Galicia. Sobre todo, por parte da prensa que, a verdade deunos moita cobertura e reportaxes en case tódolos medios… e iso é de agradecer porque proporcionou moita visibilidade ao proxecto.
7. Que creedes que falta en Galicia para potenciar máis o talento galego?
O primeiro é que deixemos de pensar que o de fóra é mellor que o de aquí. A Xunta está apostando moito por diversas iniciativas para emprendedores. Seica as empresas grandes deberían apoiar máis estas iniciativas.
8. Un consello para os emprendedores galegos?
A nosa recomendación é que se esforcen dende o primeiro día e que crean na súa idea. Que se axuden dos programas de emprendemento, que só a nivel galego hai moitos (Galicia Open Future, Via Vigo, YUZZ… ). Recomendámoslles que os aproveiten ao máximo porque realmente apréndense cousas útiles e dan moita visibilidade e empuxe, sobre todo para dar os primeiros pasos.
Deixa unha resposta